رامز رؤوف يساعد مئات الشباب فى ايجاد فرصة عمل شاب مصرى فى التلاتينات قرر يساعد الاف الشباب فى ايجاد فرص عمل وهو رامز رؤوف استشارى ادارة وتطوير الموارد البشرية
انشأ مجموعة من الجروبات على كل وسائل التواص الاجتماعى المعروفة لإتاحة فرص العمل للشباب، ومع مرور الأيام زاد عدد متابعيه إلى اكثر من 100 ألف شخصٍ،
ونتيجة لكل ما سبق اتجهنا للتحدث إليه، وأوضح «رامز» كل ما يتعلق بنشاطه، وإلى نص الحوار:
أنا اسمي رامز رؤوف شاب مصري عندي 34 سنة بشتغل في ادارة وتطوير الموارد البشرية بقالي حوالي 10 سنين واكتر
من واقع شغلي مع الشركات والشباب اكتشفت ان اغلب الشباب محتاجين مساعدة في حياهم المهنية واللي لقيتها برضو بتأثر عليهم في باقي جوانب حياتهم ودة خلاني اقول اني لازم اعمل حاجة انقل من خلالها الخبرة العملية اللي بقابلها كل يوم تقريبا في شغلى
وعشان انا كمان وانا فى العشرينات كنت محتاج حد يساعدنى الاقى شغل بسرعة واطور من نفسى صح لذلك قررت اعمل جروبات على كل وسائل التواصل الاجتماعى تقريبا زى ” فيسبوك، واتس اب ، تليجرام ، لينكد ” تحت مسمى Jobsult لو بحثت عنها هتلاقيه بسهولة
بدأت الموضوع ازاى ؟
كنت في الأول ببحث عن الإعلانات التي تنشرها الشركات، والتي تتيح من خلالها فرص للعمل، وأعيد نشرها على مجموعات ” Jobsult” ، وبعد أن تابعت الشركات ما أقوم به أصبحوا يرسلون إليّ الإعلانات ، لأنهم يحتاجون للأيدي العاملة لكن لا يعرفون السبيل للوصول إلى أكبر عدد من الشباب. .
هل تتقاضى أجرًا من هذا النشاط؟
لا. .
بم تنصح الشباب؟
ما ينفعش تخرج من الجامعة
ما تعرفش تعمل cv لنفسك وتبعته لحد يعمله تقييم ممكن لكن مش حد يعملهولك
ماينفعش تبقا ما تعرفش تشتغل برامج مهمة زى ال word و ال excel
التعامل مع الكمبيوتر بصفة عامة .. دى بقت حاجات اساسية زي القراءة والكتابة
ما ينفعش ما تبقاش بتعرف تعمل research و presentation عن اي موضوع
ماينفعش تخلص جامعة وما نزلتش ولا تدريب Internship في شركة و ٢ و٣ في مجالك لو انت عارف ومحدد وفي اي مجال لو انت لسة مش عارف
بس مهم انك لازم تبقا عارف ومحدد
ما ينفعش تعدي فترة الجامعة وانت ما تعرفش غير ٤ او ٥ افراد
كون شبكة علاقات علي اد ما تقدر بس بذكاء برضو
الجامعة مش مجرد دراسة اكاديمية
الجامعة فرصة انك تتعامل مع ناس وتتعلم وتجرب وتغلط مرة واتنين وعشرة
ما تضيعش الجامعة في الجرى ورا الارتباط وبس
فترة الجامعة مش عشان تكون نفسك بس .. فترة الجامعة عشان تبني شخصيتك .. مستقبلك .. تبني نفسك لو محتاج مساعدة ما تترددش تكلمني .
ما الذي تسعى إلى تقديمه خلال الفترة المقبلة؟
توسيع شبكة الجروبات لعدد اكبر لمساعدة اكبر عدد ممكن كما أنوي تقديم برنامج إذاعي أو تليفزيوني يظهر فيه الشباب الناجح وازاى طوره من مهاراتهم عشان ينجحوا، وأكون أنا مقدمه، لأنني أمتلك قدرة عالية في العرض. . في حالة صعوبة ظهورك على الشاشات أو الإذاعة هل تلجأ لموقع «يوتيوب»؟
فكرة تقديم حلقات على موقع «يوتيوب»، ممكنة وتطبيقها سهل ولكن لا يزال التليفزيون والراديو، اكثر اتاحة للجميع واكثر انتشارا.
